Էմորիի համալսարանում կատարված հետազոտության տվյալներով՝ հասարակության մեջ արժանի դիրք զբաղեցնելու ցանկությունը բացասաբար է անդրադառնում ծնելիության վիճակագրության վրա: Սոցիալական անհավասարությունը խնդիր է շատ երկրների համար: Սոցիալական բարձր կարգավիճակ ունենալու մարդկանց մեծ մասի ձգտումը սրում է դրա համար մրցակցությունը, գրում է Zee News-ը:
Գիտնականները պարզել են՝ ծնելիությունն առավել ցածր է այն շրջաններում, որտեղ աշխատաշուկաներում բարձր է աշխատատեղերի համար մրցակցությունը, և շատ կան ապրանքներ, որոնք կարելի է ձեռք բերել՝ ընդգծելու համար սոցիալական կարգավիճակը և բարեկեցությունը: Հետազոտողները հատուկ մաթեմատիկական մոդել են ստեղծել:
Բոլոր երկրներում ծնելիության նվազումը փոխկապակցված է եղել սոցիալական անհավասարության և սոցիալական կարգավիճակի համար մրցակցության աճին: Ծնելիության վրա ազդել է նաև մանկական մահացության մակարդակի նվազումը, հակաբեղմնավորիչ միջոցների հասանելիությունը և բարձրագույն կրթություն ստանալուց հետո երեխա ունենալու որոշումը:
