ՄԱԿ-ի գլխավոր քարտուղար Պան Գի Մունը Վաշինգտոնի միջուկային անվտանգության գծով գագաթնաժողովում հանդիպումներ կանցկացնի ԱՄՆ նախագահ Բարաք Օբամայի, Ֆրանսիայի նախագահ Ֆրանսուա Օլանդի և Ուկրաինայի նախագահ Պյոտր Պորոշենկոյի հետ, հայտնում է RIA Novosti-ն:
Պան Գի Մունը հինգշաբթի պլանավորել է ընթրել Սպիտակ տանը Բարաք Օբամայի հետ: «Սպասվում է, որ գլխավոր քարտուղարը կբարձրացնի միջուկային անվտանգության վերաբերվող հարցեր»,- նշված է հաղորդագրությունում: Օլանդի և Պորոշենկոյի հետ հանդիպումների մասին մանրամասներ չեն հաղորդվել:
Վաշինգտոնոմ միջուկային անվտանգությանը նվիրված գագաթնաժողովը տեղի կունենա մարտի 31-ից մինչև ապրիլի 1-ը: Ինչպես հայտնել է Պան Գի Մունի պաշտոնական ներկայացուչից Ստեֆան Դյուժարիկը՝ նա իր ելույթում «ուշադրություն կհրավիրի այն դերի վրա, որ ՄԱԿ-ը կարող է կատարել սպառնալիքների կանխման մեջ, որոնք դուրս են գալիս ահաբեկչական ցանցերի զանգվածային ոչնչացման զենքեր ստանալու աճող հնարավորություններից»:
