iPhone և iPad սարքերի սեփականատերերին «լրտեսելու» սկանդալից հետո Apple ընկերությունը շտապ թողարկել է դրանց համար նախատեսված iOS 4.3.3 օպերացիոն համակարգը, որը լուծում է «լրտեսության» խնդիրները: Այս մասին հաղորդում է Ars Technica կայքը:
Ընկերությունը սկանդալի ժամանակ ընդունել էր, որ iPhone հեռախոսներում դրանց սեփականատիրոջ գտնվելու վայրի մասին տվյալների երկար պահպանումը իրենց կողմից թույլ տրված լուրջ սխալ է, որը պայմանավորված է եղել ծրագրային խնդիրներով: Այդուամենայնիվ, ընկերությունում նշում են, որ այդ տվյալների պահպանումը սահմանված է գնորդի և ընկերության միջև կնքված պայմանագրով:
Թողարկված նոր օպերացիոն համակարգը թույլ է տալիս նվազեցնել այս ռիսկերը: Ընդ որում, սարքի տիրոջ գտնվելու վայրի մասին տեղեկությունները շարունակվում են պահպանվել, սակայն կարճ ժամանակահատվածով: Դրանից զատ, այդ տեղեկությունները հնարավոր է ջնջել հեռախոսի հիշողությունից: