Լիբանանի ներքին գործերի նախարար Նուհադ Մաշնուկը հայտարարել է, որ երկիրն «99 տոկոսով լուծել է» աղբի խնդիրը: Այս մասին հաղորդում է NNA գործակալությունը:
Հուլիսին Լիբանանի իշխանությունները փակել են երկրի գլխավոր «Նաամե» աղբանոցը, նույն օրն ավարտվել է «Սուքլին» ընկերության հետ պետության պայմանագիրը, որը պատասխանատու էր մաքրության և թափոնների դուրսբերման համար: Արդյունքում Բեյրութի և երկրի մյուս խոշոր քաղաքների փողոցները մի քանի օրում աղբով էին լցվել՝ հայտնվելով բնապահպանական աղետի շեմին:
Գործակալությունը նշում է, որ դրական արդյունքի են հասել նախարարական հատուկ հանձնաժողովի աշխատանքների ընթացքում:
