Մեր երկրում արտահանման ծավալները գնալով կրճատվում են: Ի՞նչ միջոցներ կարելի է ձեռնարկել, ի՞նչ ելքեր կան այս իրավիճակից դուրս գալու համար. այս խնդիրների շուրջ «Առաջին լրատվական»- ը զրուցեց ՀՀ արտահանողների միության նախագահ Րաֆֆի Մխչեյանի հետ:
«Այսօր ելքեր փնտրել ԵԱՏՄ շուկայում, մի քիչ անխելքություն է, որովհետև հիմնականում Ռուսաստանի տնտեսական անկումն է, որ չի թողնում՝ մենք մտնեք այդ շուկա,- այս տեսակետը հայտնեց Րաֆֆի Մխչեյանը՝ հավելելով, որ ԱՄՆ-ը ևս մեկ տարով երկարաձգեց պատժամիջոցների կիրառումը Ռուսաստանի նկատմամբ, դա նշանակում է, որ դժվարությունները ևս մեկ տարի պետք է շարունակվեն ՌԴ-ում:
Րաֆֆի Մխչեյանն այս իրավիճակից դուր գալու ելքերը տեսնում է դիվերսիֆիկացիաների, այլ շուկաների որոնման մեջ: Նրա խոսքով՝ դա պետք է լինի կարծրատիպեր ջարդելու և դուրս գալու մեթոդով. «Մենք շատ ենք կոնսերվացված և տեսնում ենք միայն ռուսական, ԱՊՀ շուկաները»:
Գնահատելով վրացական շուկայի առաջխաղացումը՝ Ր. Մխչեյանը մտահոգվում է. «Մենք վրացիներից ավելի պակաս խելոք ազգ ե՞նք, չե՞նք կարող մտածել, գտնել արտահանման շուկաներ»: Նրա կարծիքով՝ կառավարությունը չի կարող որոշել, թե գործարարն ինչ պետք է անի, որ ոտքի կանգնի: Գործարարներն իրենք պետք է կարողանան արագ կողմնորոշվել, պետք է մասնագետներին պատվիրեն կոնկրետ արտադրանքի արտահանման համար շուկայի ուսումնասիրություն կատարել. «Համաշխարհային փնտրտուք պետք է տեղի ունենա, թե որտեղ ինչի պահանջարկ կա»:
Մանրամասները՝ տեսանյութում: