Եվրատեսիլը 2014-ին էլ Հայաստան չի գա: Lonely planet-ով Հայաստանը ներկայացնող «Դորիանս»-ը 18-րդն է: 39 քվեարկող երկրներից Հայաստանն իր անվան դիմաց այդպես էլ 12 միավոր չստացավ: Ամենաբարձր` 10 միավորը Վրաստանից էր, 8 միավորը` Բուլղարիայից: Ռուսաստանը Հայաստանին նվիրեց ընդամենը երկու միավոր:
214 միավորով Եվրատեսիլյան լավագույն եռյակը եզրափակեց Ուկրաինան: Երկրորդ հորիզոնականում` 234 միավորով Ադրբեջանն է: Ամենաբարձր` 281 միավոր, 39 երկրների քվեարկության արդյունքում ստացավ Դանիան: Բեմում ոտաբոբիկ երգող 19-ամյա Էմիլի Դե Ֆորեստը կբացի նաև «Եվրատեսիլ 2014»-ը:
Բուքմեյքերները շաբաթներ առաջ էին Դանիայի համար կանխատեսում հաղթանակը: Լավագույն տասնյակը ևս կանխատեսելի էր: Բուքմեյքերների Եվրատեսիլյան շոկը Ադրբեջանն է, որի շուրջ արդեն իսկ սկանդալ է հասունանում: Լիտվայի պարբերականներից մեկը հրապարակել է հոդված ու տեսագրություն այն մասին, թե ինչպես է Ադրբեջանը վճարել Լիտվայի 12 միավորի համար:
Armnewstv.am-ի փոխանցմամբ՝ որոշելով ստուգել տեղեկությունը, ներկայանալով որպես ուսանողներ, տղամարդկանց խմբերին մոտեցել են լրագրողները: Պարզվել է, որ կաշառքի ընդհանուր գումարն անցնում է 1 մլն եվրոն: Լիտվական լրատվամիջոցը վերջում միայն ենթադրել է, թե, ընդանուր առմամբ, որքան գումար է բաժանել Ադրբեջանը Լիտվայի և մյուս երկրների 12 միավորները գնելու համար:
