Մեծ Բրիտանիայի խորհրդարանում օգտագործում են չափազանց շատ ալկոհոլ: Հարցման համաձայն՝ այս մասին հայտարարել է Մեծ Բրիտանիայի բարձրագույն օրենսդիր մարմնի պատգամավորների ավելի քան մեկ քառորդը: Հարցումը հրապարակել է Alcohol Concern ոչ առևտրային հակաալկոհոլային կազմակերպությունը:
Խորհրդարանականների 26 տոկոսը կարծում է, որ խորհրդարանում չափազանց շատ են խմում: Ընդ որում՝ ալկոհոլի օգտագործումը ավելի շատ քննադատել են լեյբորիստները՝ կուսակցության բոլոր անդամների 31 տոկոսը:
Պահպանողական կուսակցության ներկայացուցիչները և լիբերալ դեմոկրատները ալկոհոլի նկատմամբ համեմատաբար «համբերատար են վերաբերվել» ու համապատասխանաբար 20 ու 19 տոկոսն է կարծում, որ խորհրդարանում խնդիրներ կան՝ կապված ալկոհոլի օգտագործման հետ:
Համաձայն հարցման՝ ալկոհոլի դեմ են արտահայտվել ավելի շատ կին պատգամավորները:
Alcohol Concern-ում հայտարարել են, որ խորհրդարանում այնքան էլ մեծ թիվ չի կազմում իրենց գործընկերների սովորույթներից դժգոհների թիվը:
Պատգամավորները կոչ են արել արգելել ալկոհոլի վաճառքը խորհրդարանին հարակից տարածքներում: Ներկայում ալկոհոլ կարելի է օգտագործել ինչպես Վեսթմինստերյան պալատում, այնպես էլ դրա տարածքում գտնվող բարերում ու ռեստորաններում:
Կազմակերպության հաշվարկներով՝ 2010թ. Համայնքների պալատի 9 բարերում պատգամավորները ծախսել են մոտ 1.33 մլն ֆունտ ստեռլինգ:
