Հնդկական դեղագործական ընկերության դուստր ձեռնարկությունը համաձայնել է 500 մլն դոլարի տուգանք վճարել կեղծված դեղերի վաճառքի, ինչպես նաև դաշնային վերահսկիչ մարմնին կեղծ տեղեկատվություն տրամադրելու համար: Այս մասին հայտնում է ITAR-TASS-ը:
Ranbaxy USA Inc. ընկերության (հնդկական Ranbaxy Laboratories Limited-ի դուստր ձեռնարկությունն է) տուգանքը հասել է ռեկորդային բարձր չափի՝ սննդամթերքի, դեղորայքի և կոսմետիկ միջոցների մասին դաշնային օրենքը խախտելու համար:
Ընկերությունը խոստովանել է, որ արտադրել ու վաճառել է դեղորայք՝ Հնդկաստանի երկու արտադրական հատվածներից ստացված խառնուրդներից: Կեղծված դեղորայքի խմբաքանակը նախատեսված է եղել բշտիկների, էպիլեպսիայի և նևրալգիայի բուժման համար:
Ընկերությունը կվճարի 150 միլիոն դոլարի տուգանք, ևս 350 միլիոն՝ քաղաքացիական հայցերը կարգավորելու համար:
