2013թ. հունիսի 7-ից սեպտեմբերի 7-ը կսկսվի նոր գովազդային զբոսաշրջային արշավ: Ակցիան կոչվում է «Ամառը Դուբայն է» ու ուղղված է Էմիրությունների զբոսաշրջային գրավչության բարձրացմանը, հայտնում է mirputeshestvii.ru-ն:
Սեզոնի սկիզբը նշանավորվում է «Դուբայ՝ ամառային անակնկալներ» փառատոնի բացմամբ, որը տեղի կունենա 2013թ. հունիսի 7-9-ը:
Տոնի ժամանակ զբոսաշրջիկներին սպասվում են մեծ զեղչեր առևտրի կենտրոններում ու զվարճալի միջոցառումներում, որոնք պատրաստված են հատուկ ընտանիքով հանգստացող զբոսաշրջիկների համար:
Անցած տարի փառատոնը գրավել էր 4 մլն զբոսաշրջիկի, որոնք Դուբայում ծախսել էին մոտ 2,4 մլրդ դոլար:
Գովազդային արշավի շրջանակում գործելու է հատուկ ակցիա, որն արդեն ավանդական է դառնում Դուբայի համար: Դուբայ ժամանած մեծահասակները կկարողանան իրենց հետ վերցնել մինչև 12 տարեկան 2 երեխայի, որոնց հյուրանոցում մնալն ու սնունդը անվճար կլինի:
