Կոնեկտիկուտից 68-ամյա դասախոս Փոլ Քինը ցանկանում է Բոսթոնի ահաբեկչին տեղ հատկացնել գերեզմանատանն իր մոր հարևանությամբ: Նման առաջարկով նա արդեն դիմել է Թամերլան Ցարնաևի ընտանիքին։
«Ես պատրաստ եմ տեղ հատկացնել գերեզմանատանը Թամերլան Ցարնաևի համար, եթե նրա հարազատները չկարողանան ինքնուրույն տեղ գտնել: Իմ միակ պայմանն է, որ ես դա անում եմ իմ մոր համար, ով 20 տարի շարունակ դասավանդել է կիրակնօրյա դպրոցում ու ինձ սովորեցրել է սիրել թշնամուս»,- ասել է նա ինտերնետ-բլոգում:
Նրա նախաձեռնությունն իսկապես կարող է օգտակար լինել 26-ամյա հանցագործի ազգականների համար, քանի որ Մասաչուսեթսի իշխանությունները հրաժարվում են թաղել Թամերլանին:
