Գերմանիան և Ավստրիան մշակում են փախստականների համար Հունաստանի և Մակեդոնիայի միջև սահմանը փակելու ծրագիր: Այս մասին գրում է Bild-ը:
Պարբերականի տեղեկությամբ՝ Վիեննայի, Բրյուսելի և Բեռլինի փորձագետների ծրագրի համաձայն՝ սահմանը կփակվի, և դրա նկատմամբ լուրջ հսկողություն կսահմանվի: Միաժամանակ արդեն նախօրոք Բալկաններում փախստականներին կսկսեն բաժանել քաղաքականների և տնտեսականների:
«Նպատակը հետևյալն է՝ եթե Հունաստանը չի կարող կանգնեցնել (փախստականների) հոսքը Թուրքիայից, և եթե Թուրքիան իր կողմից գլուխ չի հանում, ապա այն պետք է կանգնեցվի Հունաստանից: Դա պետք է սկսի գործել մարտի կեսից…»,- գրում է պարբերականը:
Ինչ վերաբերում է փախստականների բաժանմանը, ապա այստեղ ենթադրվում է ընդհանուր հոսքից առանձնացնել Մարոկկոյից, Ալժիրից, Պակիստանից և Բանգլադեշից գնացածներին և նրանց արտաքսել հենց Հունաստանից:
