Ինքնապաշտպանության նպատակով իսրայելական օրինական ավիահարվածի և օդային հարձակման միջև առկա է բարակ սահման, որի նպատակն է ազդել քաղաքացիական պատերազմի ընթացքի վրա: Այս մասին գրում է The Independent-ը «Իսրայելը կրակի հետ է խաղում Սիրիայում» հոդվածում:
Հոդվածի հեղինակները նշում են, որ միշտ գոյություն է ունեցել Սիրիային սահմանակից երկրների վրա քաղաքացիական պատերազմի տարածման վտանգ: Իրադարձությունների նման զարգացման հնարավորությունը մեծացել է այն բանից հետո, երբ Իսրայելին մեղադրել են Սիրիայի տարածքին օդային հարվածներ հասցնելու մեջ: Իսրայելական կողմը պաշտոնապես չի հաստատել, սակայն չի էլ հերքել այս տեղեկատվությունը՝ գրում է թերթը:
«Հարվածելով Սիրիային՝ Իսրայելը կրակի հետ է խաղում բոլոր հնարավոր իմաստներով: Այն ամենաուժեղ ռազմական գերտերությունն է տարածաշրջանում և զսպվածություն ցուցաբերելու պատասխանատվություն ունի»,- նշվում է հոդվածում:
