Հունվարի 17-ից 24-ը Մինսկում տեղի կունենա «Զարգացման գավաթ-2016» 12-րդ միջազգային մրցաշարը: 12 թիմեր բաժանվել են 3 խմբերի, յուրաքանչյուրում՝ 4-ական թիմ: Հայաստանի մինչև 17 տարեկանների հավաքականն ընդգրկված է B խմբում, որտեղ նրա մրցակիցներն են Ռուսաստանի, Իսրայելի և Լիտվայի մինչև 17 տարեկանների հավաքականները:
«Զարգացման գավաթ-2016» մրցաշարի առաջին տուրում ֆուտբոլի Հայաստանի մինչև 17 տարեկանների հավաքականն ուժերը չափեց Ռուսաստանի մինչև 17 տարեկանների ընտրանու հետ:
Ռուսաստանի Մ-17 հավաքականը կարողացավ 3 անպատասխան գնդակ ուղարկել մեր ընտրանու դարպասն ու առավելության հասնել խոշոր հաշվով:
Երկրորդ տուրում մեր ընտրանին ուժերը կչափի Իսրայելի հավաքականի հետ: Խաղը տեղի կունենա հունվարի 19-ին:
