Օրեր առաջ «Զվարթնոց» օդանավակայանի գլխավոր ճարտարապետի դուստր, ճարտարապետ Անահիտ Թարխանյանը հայտարարություն էր տարածել Երևանի քաղաքապետարանի կողմից «Զվարթնոց» օդանավակայանի կլոր մասնաշենքի ապամոնտաժման թույլտվություն տրամադրելու վերաբերյալ:
Այսօր, սակայն, Երևանի քաղաքապետարանը պարզաբանում է՝ որևէ շինարարական կազմակերպության «Զվարթնոց» օդանավակայանի կլոր մասնաշենքի ապամոնտաժման թույլտվություն չի տրվել:
Երևանի քաղաքապետարանից մեզ հավաստիացրեցին, որ «Զվարթնոց» օդանավակայանի ընդլայնման աշխատանքներին զուգահեռ՝ կլոր մասնաշենքը արտաքին փոփոխության կամ որևէ ապամոնտաժման աշխատանքների չի ենթարկվելու:
