Ընտրությունների ավարտից հետո այսօր լրագրողների հետ զրուցեց Երևանում Եվրոպայի խորհրդի տեղական և տարածաշրջանային իշխանությունների կոնգրեսի պատվիրակությունը: Եվրոպայի խորհրդի տեղական և տարածաշրջանային իշխանությունների կոնգրեսի պատվիրակության ղեկավար Սթյուարթ Դիքսոնն իր խոսքում նշեց, որ Եվրոպայի խորհրդի անդամ դառնալով՝ Հայաստանը ընդունեց, որ հարգելու է արժեքները, որ գոյություն ունեն Եվրոպայի խորհրդում, հատկապես հարգելու է ընտրական իրավունքը: Դա է պատճառը, որ Եվրոպական երկրների տասներկու անդամեր հրավիրվել են Երևան, որպեսզի ներկա լինեն ավագանու ընտրություններին և դիտրդական առաքելություն անցկացնեն.«Երեկ տեղական և շրջանային մարմիններրի կոնգրեսը միակն էր, որ դիտորդական առաքելություն կատարեց մինչև վերջ: Ընդհանուր առմամբ տասներեք ընտրական տեղամասերից հարյուր ընտրատեղամսում մեր դիտորդները ներկա էին բացման արարողությունից մինչև փակումը և մինչև քվեների հաշվումը»:
Նախքան դիտարկան արդյունքերը ներկայացնելը, նա խոսեց մայիսի մեկից սկսած իրենց դիտարկումների մասին, որի շրջանակներում հանդիպել են Հայաստանի դիվանանգիտական կորպուսի, ԿԸՀ-ի, ԶԼՄ-ների, թեկնածուների, կառավարության ներկայացուցիչների հետ: Դիտարկումները ներառում էին մի շարք խնդիրներ՝ այն քաղաքացիների մասին, ովքեր չեն բնակվում Երևանում, բայց ընտրողների ցուցակում են.«Մենք հավատում ենք, որ այս խնդրին պետք է անդրադառնանք, որպեսզի կարողանանք խուսափել տեղական մակարդակի հարցի չարաշահումից: Մենք որոշ հաղորդագրություններ ստացանք, որոնց հանդեպ ճնշումներ են գործադրվել, որպեսզի քվեարկեն: Այս առումով մենք կոչ ենք անում ՀՀ իշխանություններին, որպեսզի կարողանանք ապահովել ազատ մթնոլորտ և առանց գումարի քվեարկություն»:
Դիքսոնը արձանագրեց, որ այս տարի արդեն գրանցվել են դրական տեղաշարժեր: ՀՀ նոր ընտրական օրենսգիրըքը անցում է կատարել կուսակցականից ոչ կուսակցական մոդելի, որին նպաստել է նաև ԿԸՀ-ի ձևավորումը: Որոշակի առաջընթաց է գրանցվել զսպումների, ԶԼՄ-ների հանդեպ բռնությունների բնագավառում:
Բացառությամբ մի քանի միջադեպերի՝ քվեարկությունն իրականացվում էր խաղաղ և կանոնավոր ձևով, ընտրությունները տեխնիկապես հագեցված էին:
Քվեարկության գաղտնիությունը մեծապես հարգված էր և ծրարների դերը ավելի է վստահելի դարձրել դա, չնայած այն նպաստել է երկար հաշվման պրոցեսին: Թանաքի որակը բարելավել է և ընտրատեղամասերում ավելի լավ են աշխատում: Ընտրատեղամասում տասնհինգից ավելի մարդ չի կարող մնալ:
Նոր ընտրական օրենսգիրքը երաշխավորում է նոր պարզաբանումներ՝ հենց ընտրական տեղամասում:
Լուսանկարը՝ PanARMENIAN Photo-ի
