Միանսերին պարունակող հակադեպրեսանտները դանդաղեցնում են ծերացումը, հայտնում է rg.ru-ն՝ վկայակոչելով Սքրիփսի ինստիտուտի բացահայտումը: Առայժմ դեղամիջոցը փորձարկել են կլոր որդերի վրա: Որդերին երկու խմբի են բաժանել: Առաջինին ջուր են տվել, երկրորդին՝ միանսերին:
Արդյունքում երկրորդ խումբն առաջինից 40%-ով ավել է ապրել: Ընդ որում՝ առավել վառ արտահայտված ազդեցություն է դիտվել դեղամիջոցի վաղ ընդունման դեպքում: Փորձագետները կարծում են, որ նման արդյունքի կարելի է հասնել նաև կաթնասունների դեպքում: Մոտ ապագայում այդպիսի փորձ պետք է արվի մկների վրա:
