Վրաստանի նախագահ Միխեիլ Սաակաշվիլին գոհ է պաշտպանության նախարար Իրակլի Ալասանիայի հայտարարություններից, որոնց համաձայն՝ երկրի պաշտպանության կուրսում արտաքին սպառնալիքները չեն փոխվել, հաղորդում է «Գրուզիա Օնլայն»-ը:
«Նախարարն ընդունել է, որ կուրսում որևէ փոփոխություն չկա, և Ռուսաստանը Վրաստանի գլխավոր արտաքին սպառնալիքն է»,- ԱՄՆ-ում վրացի լրագրողներին հայտարարել է Սաակաշվիլին:
Ավելի վաղ Վրաստանի վարչապետ Բիձինա Իվանիշվիլին նշել էր, որ նոր կուրսում չկա շեշտադրում Ռուսաստանի կողմից սպառնալիքի վրա:
Սաակաշվիլին ընդգծել է, որ ցանկացած փաստաթուղթ համապատասխանում է գոյություն ունեցող իրականությանը, և չպետք է այն փոխել ըստ ցանկության:
«Ռուսաստանը շրջափակել է մեր տաարծքի 20 %-ը և խոչընդոտում է անջատողականների հետ խաղաղ բանակցություններին: Սա է իրականությունը և դրանից չես փախչի»,- ասել է նախագահը:
