Հայաստանի քննչական կոմիտեի Արագածոտնի մարզային քննչական վարչության հատկապես կարևոր գործերով ավագ քննիչ Բենիկ Սարգսյանի որոշմամբ հարուցվել է քրեական գործ ՀՀ քր. օրի 242 հոդվածի 2-րդ մասին հատկանիշներով:
Ինչպես հայտնում է shamshyan.com–ը, նշված քրգործը հարուցվել է դեկտեմբերի 3-ին, Արագածոտնի մարզում տեղի ունեցած ավտովթարի փաստով: Ժամը 23:00-ի սահմաններում Ապարան-Ալագյազ ավտոճանապարհի 4-րդ կմ հատվածում բախվել են Էջմիածին քաղաքում փաստացի բնակվող 37-ամյա Հայկ Հովհաննիսյանի վարած Mazda Atenza մակնիշի 34 PF 955 համարանիշի և 43-ամյա Համլետ Գաբրիելյանի վարած ՎԱԶ-2107 մակինշի 21 ԼՍ 132 համարանիշի ավտոմեքենաները:
Վթարի հետևանքով վարորդներից Հ. Գաբրիելյանը, ուղևորներ Կարեն Հովհաննիսյանը, Տաթևիկ Սարգսյանը մարմնական վնասվածքներով տեղափոխվել են Ապարանի բժշկական կենտրոն, իսկ Հ. Գաբրիելյանը, նույն օրը Ապարանի հիվանդանոցից տեղափոխվել է Արմենիա բժշկական կենտրոն, որտեղ դեկտեմբերի 12-ին մահացել է:
Մանրամասները՝ shamshyan.com-ում
