«Առաջին լրատվական»-ի տեղեկություններով այսօր վաղ առավոտից Աշտարակում ոչ մի տրանսպորտային միջոց չի աշխատում` ո՛չ ավտոբուսներ, ո՛չ երթուղային տաքսիներ, ուսանողները չեն կարողացել հասնել Երևան, իսկ տաքսիները բավական բարձր գումար են պահանջում:
Ի դեպ, Աշտարակից Երևան ճանապարհին կանգնած է BMW մակնիշի քաղաքացիական մեքենա՝ երեք ոստիկաններով, որոնցից մեկը լրագրողներին ներկայացել է իբրև փոխգնդապետ Ղազարյան։ Իսկ հարցին, թե ինչո՞ւ են հսկում ճանապարհը, ոստիկանը պատասխանել է. «Հատուկ նշանակության գործողություն է իրականացվում»:
