Արցախյան հերոսամարտի մասնակից, հետախույզ Սողոմոն Քոչարյանը, որը 1995թ. Իրանի Իսլամական Հանրապետության քաղաքացի ադրբեջանցուն Հայաստանում սպանելու համար ցմահ ազատազրկման էր դատապարտվել, ուշացած, բայց աննախադեպ վճռով ազատ էր արձակվել այս տարվա հոկտեմբերի 22-ին: Նա առողջական ծանր վիճակում էր, և նոյեմբերի 9-ին հրաժեշտ տվեց իր կյանքին:
Մարտական ընկերների խոսքով՝ նա բազմաթիվ սխրանքներ է կատարել Արցախյան ազատամարտի ժամանակ, մեծ հայրենասեր էր. «Մինչև կյանքի վերջը մնաց հայ, և վերջին ցանկությունը զինվորական համազգեստ կրելն էր»: