Չորեքշաբթի օրը՝ նոյեմբերի 4-ին, Կոլումբիայի Սահմանադրական դատարանը հավանության է արժանացրել միասեռ զույգերին երեխաներ որդեգրել թույլատրող բանաձևը՝ հաղորդում է TASS-ը:
Տեղի դիտորդների կողմից պատմական համարվող նախաձեռնությանը, երկարատև քննարկումից հետո, աջակցել են Սահմանադրական դատարանի 6 անդամներ, դեմ են քվեարկել երկուսը:
«Որդեգրման գործընթացները կընթանան օրենքին համապատասխան՝ ինչպես ինստիտուտը գործում էր նախկինում՝ բոլոր ընթացակարգերը մանրամասնորեն անցկացնելով, երբ սեմինարների, հանդիպումների և այցելությունների ընթացքում պարզվում է որդեգրողների պիտանելիությունը, այն, թե ինչպիսի մտադրություն ունեն, որպեսզի նման կերպով երաշխավորվի ընտանիքում մեծանալու երեխաների ու դեռահասների իրավունքը»,- ասվում է Կոլումբիայի Ընտանեկան բարեկեցության ինստիտուտում: