Չեչնիայի ղեկավար Ռամզան Կադիրովն ընդգրկված է «Մագնիտսկու ցուցակի» գաղտնի ցանկում, գրում է The New York Times-ը՝ հղում կատարելով ռեեստրին ծանոթ աղբյուրներին:
Պարբերականի տվյալներով՝ «սև ցուցակի» գաղտնի ցանկի մյուս դեմքերը Ռուսաստանում այնքան ազդեցիկ անհատներ են, որ ԱՄՆ նախագահ Բարաք Օբամայի վարչակազմը նրանց անունները չի ներառել ռեեստրի հրապարակային մասում՝ մտավախություն ունենալով ամերիկացի պաշտոնյաների, օրինակ՝ կոնգրեսականների նկատմամբ նմանատիպ պատժամիջոցների կիրառումից:
Ավելի վաղ հայտնի էր դարձել, որ այն ցուցակում, որով Մոսկվան պատասխանելու է «Մագնիտսկու ցուցակ»-ին, ընդգրկվել են սենատորներ Մալքոլմ Սմիթն ու Բենջամին Կարդին՝ ռուս պաշտոնյաների դեմ պատժամիջոցների սահմանման նախաձեռնողներից մեկը: