Մայիս ամսից հետո հոկտեմբերը համարվում է երկրորդ խոնավ ամիսը։ Այս մասին «Առաջին լրատվականի» հետ զրույցում ասաց ՀՀ արտակարգ իրավիճակների նախարարության Հիդրոմետ ծառայության օդերևութաբանության կենտրոնի պետի տեղակալ Գագիկ Սուրենյանը։
Նրա խոսքով՝ առաջիկա հինգ օրերի ընթացքում կդիտվի ջերմաստիճանի նվազում 5-6 աստիճանով։ Հատկապես առատ տեղումներ կլինեն այսօր՝ հոկտեմբերի 26-ին, վաղը՝ հոկտեմբերի 28-ին։
Սուրենյանը նշում է, որ տեղումների քանակը նորմայից բարձր է, սակայն դա չի նշանակում, որ բացասական ազդեցություն կարող է ունենալ։
Օդերևութաբանական կենտրոնի պետի տեղակալի խոսքով՝ իրենք ճշգրիտ կանխատեսումներ են անում 5 օրվա համար, և չի բացառվում, որ հոկտեմբերի 31-ից հետո ջերմաստիճանը կարող է բարձրանալ:
Իսկ նոյեմբեր ամիսը, ըստ Գագիկ Սուրենյանի, միշտ աչքի է ընկել բարձր ջերմաստիճանով, բայց թե այս տարվա նոյեմբերը՝ տաք կլինի, թե ոչ, դեռևս հայտնի չէ, քանի որ կանխատեսումները չեն ավարտվել։
