ՀՀ ոստիկանության Երևան քաղաքի վարչության Արաբկիրի բաժնի մուտքի մոտ հավաքվել են շուրջ 20 քաղաքացիներ, ովքեր պահանջում են տեսակցություն՝ այս բաժին բերման ենթարկված շուրջ 20 քաղաքացիների հետ:
Այստեղ են նաև Հելսինկյան ասոցիացիայի նախագահ Միկա Դանիելյանը և նույն ասոցիացիայի փաստաբան Անի Թորոսյանը, ով պատրաստվում է պաշտպանել ոստիկանություն բերման ենթարկված քաղաքացիների շահերը: Բանակցությունները հերթապահ մասի ոստիկանների հետ չեն հաջողվում, քանի որ նրանք ասում են՝ հրաման ունեն որևէ մեկին բաժին չթողնել: Իսկ հերթապահ մասի պատասխանատուն անընդհատ ասում է, որ զանգահարում է պետի տեղակալին, սակայն չի պատասխանում, ուստի չի կարող փաստաբանին ներս թողնել:
Ինչպես մեզ հայտնի դարձավ, ակտիվիստների մոտ այնուամենայնիվ, մեկ փաստաբան կա՝ Արգիշտի Կիվիրյանը:
Նշենք նաև, որ քիչ առաջ Արաբկիրի ոստիկանության բակ մտավ շտապօգնության ծառայության մեքենա, որը չպարզվեց, թե ում համար է կանչվել ոստիկանություն: Մեր հարցին, թե ո՞ւմ համար է ոստիկանությունը շտապ-օգնության կանչ արձանագրել, հերթապահ մասից ոչինչ չպատասխանեցին, ասացին, որ հորդորել միայն բացել դարպասները:
Քիչ անց պարզվեց նաև, որ փաստաբան Անի Թորոսյանին թույլ տվեցին բարձրանալ և պաշտպանել ոստիկանություն բերման ենթարկված ակտիվիսների շահերը:
