10 տարի է անցել այն օրից, երբ ամերիկյան զորքերը գրավեցին Բաղդադը: Դեռևս վճռորոշ հարձակման նախօրեին ԱՄՆ զինվորական հրամանատարությունը ենթադրում էր, որ կոալիցիոն ուժերին կոշտ դիմակայություն է սպասվում: Սակայն Իրաքի մայրաքաղաքը հանձնվել է առանց մարտի: Իսկ գրավման խորհրդանիշը Ֆիրդոուսի հրապարակում Սադամ Հուսեյնի բրոնզե արձանի տապալումն էր, ինչն ուղիղ եթերում ցուցադրել են բոլոր առաջատար համաշխարհային հեռուստաընկերությունները: Այս մասին հայտնում է Vesti-ն:
Ամերիկացի զինծառայողներին և նրանց դաշնակիցներին իրաքյան արշավը նույնքան հեշտությամբ ավարտել չհաջողվեց: Պատերազմը ձգվեց մինչև 2011-ի վերջ: Զանգվածային ոչնչացման զենք հայտնաբերելը, ինչն էլ հենց ներխուժման առիթն էր, ամերիկացիներին այդպես էլ չհաջողվեց հայտնաբերել:
Պատերազմի տարիներին ԱՄՆ-ը Իրաքում շուրջ 4500 զինծառայող է կորցրել: Տարբեր գնահատականներով՝ զոհերի թիվը խաղաղ բնակչության շրջանում հասել է մի քանի հարյուր հազարից մինչև կես միլիոն:
