Կիպրոսի կենտրոնական բանտերի կալանավորներն ավելի քան 11 հազար դոլար են հավաքել՝ երկրի անապահով ընտանիքներին բժշկական օգնություն ցուցաբերելու համար: Այդ գումարով կֆինանսավորվեն բարեգործական հիմունքներով աշխատող հիվանդանոցները: Այս մասին հաղորդում է ITAR-TASS-ը:
Ըստ Եվրոխորհրդում Կիպրոսի պատգամավոր Ելենա Թեոքսարոսի խոսքերի՝ երկարաժամկետ ձերբակալված կալանավորները զոհաբերել են իրենց այն գումարները, որոնցով ճաշարանում ձեռք են բերում սննդամթերք:
«Կալանավորները կարծում են, որ բժշկական օգնության հասանելիությունն այնքան կարևոր է, որքան սնունդը: Նրանց համար կարևոր է օգնել ֆինանսական խնդիրներ ունեցող անապահով ընտանիքներին»,- ասել են կալանավորների հարազատները: