Երեկ կեսգիշերին Հրաչյա Քոչար-Փափազյան խաչմերուկում վթարի է ենթարկվել նախկին ՀՀԿ-ական, ներկայումս ԲՀԿ շարքերը համալրած Զորիկ Զոհրաբյանը: Վերջինս վարորդի հետ անգիտակից վիճակում տեղափոխվել է «Արմենիա» բժշկական կենտրոն:
Ըստ ԱԻՆ լրատվական ծառայությանª դեռևս չբացահայտված հանգամանքներում բախվել են «Օպել Վեկտրա» մակնիշի 34VU251 պետհամարանիշի և «Չերրի» մակնիշի 09UL425 պետհամարանիշի ավտոմեքենաները: «Արմենիա» բժշկական կենտրոնից երեկ գիշերը «Առաջին լրատվական»-ին հաղորդեցին, որ տուժողներից մեկը՝ Զորիկ Զոհրաբյանը, անգիտակից վիճակում է բերվել հիվանդանոց և այժմ վերակենդանացման բաժանմունքում է: Նրա վիճակը բժիշկները գնահատում են ծայրահեղ ծանր:
Նա մեր զանգի պահին գտնվում էր հետազոտման փուլում, կոմպյուտերային տոմոգրաֆիա էր անցնում, այնպես որ` վերակենդանացման բաժնի հերթապահ բժիշկը չկարողացավ ասել, թե ինչ վնասվածքներ ունի: «Դեռևս հետազոտվում է, վիճակը ծայրահեղ ծանր է»,- ասաց նա: Մեր հարցին` նրա կանքին վտանգ սպառնո՞ւմ է, բժիշկը պատասխանեց. «Չեմ կարող ասել, դեռևս հետազոտման փուլում է»:
Մեր զանգի պահին՝ գիշերը ժամը 2-ին, հիվանդանոց էին գնացել ոստիկանները: Մեր տեղեկություններով, Զոհրաբյանի մեքենայի վարորդը «Շառ» մականունով թմրամոլ է, որն այս պահին ևս հիվանդանոցում է՝ գիտակից վիճակում:
