Հոկտեմբերի 5-ին Air France-ն իր աշխատակիցներին կհայտարարի անձնակազմի ապագա լուրջ կրճատումների մասին: Այս մասին հոկտեմբերի 2-ին հայտարարել է ավիափոխադրողի Air France-KLM մայր ընկերության ղեկավար Ալեքսանդր դե Ժյունյակը Europe 1-ին տված հարցազրույցում:
Նրա խոսքով՝ կրճատումների ծրագրերը կքննարկվեն աշխատակազմի ներկայացուցիչների հետ:
Ընկերությունում որոշել են կրճատումներ անել օդաչուների հետ աշխատանքի արտադրողականության բարձրացման վերաբերյալ բանակցությունների տապալումից հետո: 170 մլն եվրոյի կրճատման համար 3 տարվա ընթացքում օդաչուներին առաջարկել են ավելացնել աշխատաժամերի քանակն առանց աշխատավարձի բարձրացման:
Հոկտեմբերի 1-ին ընկերության ղեկավարությունը հայտարարել է, որ պայմանավորվել չի հաջողվել, և փոխադրողը պետք է առաջիիկա 2 տարվա ընթացքում կրճատի օպերացիոն ծախսերը, որ չսնանկանա:
Դե Ժյունյակը նշել է, որ թեև արհմիությունների հետ բանակցություններն ավարտվել են, «դուռը դեռ փակ չէ», եթե արհմիությունները պայմանավորվելու անկեղծ ցանկություն հայտնեն:
