«Առաջին լրատվական»-ի հետ զրույցում, անդրադառնալով սահմանին տիրող լարված իրավիճակին, ազատամարտիկները համարձակ կարծիքներ հայտնեցին:
«Ալիևը քաղաքական իմիջ է ուզում ձևավորել իր ժողովրդի մեջ, որովհետև հարգանք չի վայելում, բոլորը նրան ընդունում են որպես բռնապետ: Բաքու քաղաքի տակ կա առնվազն 200 000 ջրհոր, որոնք լցված են մազութի և բենզինի խառնուրդով, Բաքուն ծովի մակերևույթից 60 սմ-ով ցածր է, եթե մեր հայկական ռազմաարդյունաբերական հրթիռներից 2-ը օգտագործվի, ամբողջ Բաքուն ընդամենը 15 րոպեում կանցնի Կասպից ծովի տակ»,- նշեց «Գոյամարտ» ՀԿ նախագահ Սերժ Ղազարյանը և հավելեց. «Մեր պտության ղեկավարից ես, որպես քաղաքացի, պահանջում եմ օգտագործել այն, ինչ որ ունենք, Հայաստանը ունի ռազմաարդյունաբերական կոմպլեքս, մեր գիտնականերն այսօր աշխարհում ամենաբարձր մակարդակի վրա են»:
«Եռաբլուր» պանթեոնի տնօրեն, գնդապետ Սուրե Խաչատրյանը ևս հավաստիացրեց, որ բարձր մարտունակ բանակ ունենք և կարող ենք հակահարված տալ: Իսկ ազատամարտիկ Պետրոս Աբրահամյանը նշեց. «Մեր սահմանի ժողովրդին լավ պետք է նայենք, քաղաքի խուլիգաններին է պետք զինաթափել, իսկ սահմանամերձ գյուղում պետք է զինել ժողովրդին»:
