Ադրբեջանական Trend.az կայքի փոխանցմամբ, ապրիլի 28-ին Ադրբեջան է ժամանելու Իրաքի արտգործնախարար Հոշիյար Զիբարին: Այս մասին հայտարարել է Իրաքում ու Հորդանանում Ադրբեջանի դեսպան Էլման Արասլըն:
Զիբարիին Ադրբեջան այցելելու հրավեր է ուղարկել Ադրբեջանի արտգործնախարար Էլմար Մամեդյարովը: Այցի մանրամասները քննարկվել են դեռևս մարտին` Զիբարիի և Արասլըի միջև կայացած հանդիպման ժամանակ:
Ակնկալվում է, որ այդ այցի ժամանակ երկու երկրների արտգործնախարարները կքննարկեն երկկողմանի հարաբերությունների հեռանկարները: