Օգոստոսի 30-ին` ժամը 12:45-ին «Գյումրի» բժշկական կենտրոն է ընդունվել բուտուլիզմ ախտորոշումով քաղաքացի:
Վերջինս, 1980 թվականի ծնված Գյումրի քաղաքի բնակիչ` Ք. Ս.-ն է: Քաղաքացին բժշկական կենտրոնի վերակենդանացման բաժանմունքում շարունակում է ստանալ համապատասխան բուժօգնություն: Ինչպես «Առաջին լրատվական»-ի հետ զրույցում նշեց «Գյումրի» ԲԿ մամլո խոսնակ Նարեկ Կիրակոսյանը, քաղաքացու առողջական վիճակը գնահատվում է ծանր:
Պարոն Կիրակոսյանը նաև մանրամասնեց, որ քաղաքացին ամսի 29-ին ժամը 4-ին վարունգի թթու է կերել12 ժամ հետո բերել են Բժշկական կենտրոն` սրտխառնոցով, որովայնի ցավերով ու երկտեսությամբ:
«Առաջին լրատվական»-ի ունեցած տեղեկություններով, նույն ընտանիքից ևս երկու հոգի գտնվում են Գյումրու ինֆեկցիոն հիվանդանոցում:
Նշենք, որ վարունգի թթուն եղել է տան պատրաստած, ոչ ավել, քան երեք օրվա:
