Google ընկերությունը Apple-ի և Samsung-ի հետքերով սկսել է մշակել սմարթֆոնի հետ կապող «խելացի» ժամացույցներ: Աքսեսուարի մշակումն իրականացնում է Android բջջային օպերացիոն համակարգի մշակմամբ զբաղվող ստորաբաժանումը: Այս մասին հայտնում է Financial Times-ը՝ հղում անելով սեփական աղբյուրներին:
Google-ի ներկայացուցիչները հրաժարվել են պատասխանել լրագրողների հարցերին՝ հայտարարելով, որ չեն մեկնաբանում շշուկները:
Եթե թերթի տեղեկությունները հավաստի են, ապա ժամացույցի մասին կարող է հայտարարվել Google I/O կոնֆերանսի ժամանակ, որը տեղի կունենա մայիսի 15-17-ը՝ Սան Ֆրանցիսկոյում:
