Վերջին երեք օրերի ընթացքում Գեղարքունիքի մարզի տարածքով մեկ տեղացած անձրևները շատ նպաստավոր են եղել հատկապես աշնանացան ցորենի ցանքի աշխատանքների բնականոն ընթացքի համար: Ինչպես «Արմենպրես»-ին տեղեկացրեց Գեղարքունիքի մարզպետարանի աշխատակազմի գյուղատնտեսության և բնապահպանության վարչության պետ Վանիկ Հովհաննիսյանը, տևական երաշտից հետո կոշտացած հողի հերկման համար առաջին անհրաժեշտ պայմանը տեղումներն էին, որոնք, բարեբախտաբար, գոնե աշնանացանի աշխատանքների մեկնարկին չուշացան:
«Այս անձրևները մեզ հույս եններշնչում, որ կկարողանանք պահպանել նախորդ տարվա աշնանացան ցորենիցանքերի չափը:
Պահանջարկի դեպքում տնտեսություններին ապահովում ենք պետության կողմից սուբսիդավորված սերմացուով, պարարտանյութերով և դիզվառելիքով: Տնտեսություններում արդեն ընթանում են ինչպես վարի, այնպես էլ ցորենի ցանքի աշխատանքները, որոնք կշարունակվեն սեպտեմբեր-հոկտեմբերին»,- հավաստել է գյուղվարչության պետը: