Ռուբլին վերջին շաբաթն անկումով է սկսել` մոտենալով 2015-ի նվազագույն ցուցանիշներին: Դրա մեղավորը էժանացող նավթն է, չինական ֆոնդային բորսայի հերթական անկումն ու Ռուսաստանի դեմ պատժամիջոցները, հաղորդում է BBC-ն:
Վերլուծաբանները չեն բացառում, որ Չինաստանը նորից ստիպված է արժեզրկել իր ազգային արժույթը:
Բելառուսական ռուբլու փոխարժեքն ընկել է 5 տոկոսով և հասել մեկ դոլարի դիմաց 17.601 ռուբլի մակարդակին:
Ինչ վերաբերում է նավթի գներին, Ռուսաստանի տնտեսական զարգացման նախարար Ալեքսեյ Ուլյակուևը կանխատեսել է, որ նավթի մեկ բարելը 40 դոլարից ավելի ցածր կլինի` ընդգծելով, որ, իր կարծիքով, դա կարճատև բնույթ կկրի:
Եվրոպայի և Ասիայի շուկաներից հետո անկում է ապրում նաև Ռուսաստանի ֆոնդային շուկան: Դրա ցուցանիշը հասել է 6 տոկոսի, ինչը 2014-ի դեկտեմբերից ի վեր նվազագույնն է:
Նշենք, որ երկուշաբթի օրը 70.06-70.144 ռուբլին կազմել է 1 դոլար, սակայն կես րոպե անց փոխարժեքը կազմել է 70.24 ռուբլի 1 դոլարի դիմաց:
Մեկ եվրոն կազմել է 80.6 ռուբլի:
