Թուրքական Zaman թերթի փոխանցմամբ՝ Standard&Poors վարկանշային կազմակերպությունը զգուշացրել է Թուրքիային՝ կապված նրա առաջիկա ֆինանսական խնդիրների հետ։ Թուրքական թերթն այդ զգուշացումը որակել է որպես կրիտիկական։
Standard&Poors-ն ընդգծել է, որ Թուրքիայի սահմաններում երկրաքաղաքական լարվածությունը, կոալիցիոն կառավարություն չձևավորելը, PKK-ի հետ վերսկսված բախումները, ներդրումների հետաձգումը բացասաբար կազդեն Թուրքիայի ՀՆԱ-ի աճի վրա։
Ընդգծվում է, որ թուրքական լիրան այս տարեսկզբից արժեզրկվել է 25 տոկոսով և շարունակում է պատմական հակառեկորդներ սահմանել։ Standard&Poors-ը դրա հետ մեկտեղ նկատել է, որ թուրքական տնտեսության համար դրական ազդեցություն ունի նավթի համաշխարհային գնանկումը։
Ասիական շուկաներում կատարվող դեպքերի հետ կապված՝ մեկ եվրոյի փոխարժեքը հասել է 3.42 լիրայի, ինչը պատմական հակառեկորդ է լիրայի համար։ Ինչ վերաբերում է դոլարի փոխարժեքին, ապա այն հասել է 2.98 լիրայի, թեև սրանից առաջ 3-ից նվազել էր մինչև 2.91-ի։
