«Ցավոք մեր անդամակցությունը ԵՏՄ-ին եղավ այն ժամանակ, երբ Ռուսաստանում տնտեսական ճգնաժամ էր, և դա էական ազդեցություն ունեցավ մեզ վրա»,- այսօր «Եվրասիական տնտեսական միության միասնական շուկայի հեռանկարները» թեմայով կլոր սեղանից հետո «Առաջին լրատվական»-ի հետ զրույցում ասաց Հայաստանի արդյունաբերողների, գործարարների միության գործադիր տնօրեն Էդուարդ Կիրակոսյանը:
Նրա խոսքերով՝ կան բավականին չլուծված հարցեր, խոչընդոտենր, որոնք իրենք բարձրաձայնում են ու փորձում են դրանց լուծում տալ. «Մենք հարց ենք բարձրացրել ավելացված արժեքի հարկի վերադարձման՝ շատ բարդեցված գործընթացի վերաբերյալ: Իսկ սա միանգամից լուծվող հարց չէ, կախված է բոլոր անդամ երկրների ցանկությունից»,- ընդգծեց մեր զրուցակիցը՝ հավելելով, որ ամեն բան կախված է ռուբլու արժեզրկումից:
Մեր զրուցակիցն ասաց, որ դրանից խուսափելու համար պետք էր դիվերսիֆիկացնել Հայաստանի տնտեսությունը, որ մի երկրի ճգնաժամը մեզ վրա վատ չանդրադառնա:
Հարցազրույցն ամբողջությամբ՝ մեր տեսանյութում:
