ԱՄՆ-ի հարավում կարկուտով ուղեկցվող ուժեղ փոթորիկն ավելի քան 130 հազար տներ առանց էլեկտրաէներգիայի է թողել:
Վատ եղանակն ավերածություններ է գործել հիմնականում Միսիսիպի, Ալաբամա և Ջորջիա նահանգներում: Միսիսիպիում բեյսբոլի գնդակի մեծության կարկուտը կոտրել է տների տանիքները և մեքենաների ապակիները: Ալաբամայում ուժեղ քամին ծառեր է կոտրել և պոկել է էլեկտրալարերը: Ջորջիայում մի քանի մարդ է զոհվել՝ ճանապարհատրանսպորտային պատահարների և ընկած ծառերի պատճառով: Թենեսի նահանգի վրայով առնվազն երկու տորնադո է անցել:
Ներկա պահին սառը ցիկլոնի ազդեցության տակ են գտնվում ԱՄՆ-ի հարավային ափերը: Այսպես, Նյու Յորքում երկուշաբթի օրն ուժեղ ձյուն է տեղացել, որը մարտի կեսին այս խոշոր քաղաքի համար հազվադեպ երևույթ է: Անցած տարի այս ժամանակ օդի ջերմաստիճանը Նյու Յորքում +25 է կազմել:
Նյու Յորք, Մասաչուսեթս և Կոնեկտիկուտ նահանգներում ուժեղ ձյան պատճառով բազմաթիվ դպրոցներ են փակվել:
