Հոլիվուդյան դերասան Էմիլ Հիրշը խոստովանել է մեղքը Paramount Pictures կինոստուդիայի աշխատակցուհու վրա հարձակվելու մեջ։ Դեպքը տեղի է ունեցել հունվարին՝ անկախ կինոյի Sundance փառատոնի ժամանակ՝ հայտնում է Hollywood reporter-ը։
Այն բանից հետո, երբ Հիրշը 15 օր կանցկացնի բանտում և 50 ժամ հասարակական աշխատանք կկատարի, նրանից կհանվեն բոլոր մեղադրանքները։ Նրան պարտավորցրել են նաև տուժածին մոտ 5000 դոլարի տուգանք վճարել։
Նման մեղմ դատավճիռը նա ստացել է անսթափ վիճակում աղջկան խեղդելու փորձի համար։
Փաստաբանի խոսքով՝ Հիրշը սկսել է իրեն չափավոր դրսևորել դեպքից հետո և բազմիցս հայտնել է, որ զղջում է։
