Գիտնականները որոշել են ստուգել, թե արդյո՞ք տղամարդիկ կնոջ հետ առաջին իսկ հանդիպման ժամանակ սեքսի են ձգտում: Սոցիոլոգները խնդրել են Արևմուտքում հայտնի ծանոթությունների կայքերից մեկին իր օգտատերերին հարցնել, թե ինչ են նրանք մտածում այդ մասին: Արդյունքում պարզվել է, որ տղամարդկանց կեսն առնվազն թեթևամիտ կհամարեր այն կնոջը, ով առաջին իսկ հանդիպմանը համաձայնում է սեռական հարաբերություններ ունենալ: Նշենք, որ հարցումն անանուն է արված:
Հաջողվել է պարզել նաև, որ առաջին հանդիպմանը մարդիկ ուշադրություն են դարձնում հնարավոր զուգընկերոջ արտաքինին, մասնավորապես՝ հագուստին: Սակայն հարցվածների միայն 4 %-ն է անկեղծ խոստովանել, որ առաջին հանդիպման ժամանակ արտաքինը մեծ նշանակություն ունի, մնացածները պատասխանել են, որ դա այնքան էլ կարևոր չէ:
Ինչ վերաբերում է երկրորդ կեսի մեջ փնտրվող ամենատարածված հատկություններին, ապա դրանք են՝ բարությունը, ազնվությունը և հումորի զգացումը: Այն մարդը, ով ունի այս հատկությունները, կարող է պատրաստվել արդեն երկրորդ հանդիպմանը:
