Վերջերս լուրեր են շրջանառվում Թուրինի «Յուվենթուս»-ի գլխավոր մարզիչ Անտոնիո Կոնտեի` եվրոպական այլ ակումբներ գլխավորելու հնարավորության մասին: Մասնագետին, մասնավորապես, վերագրում են ՊՍԺ-ի, «Ռեալ»-ի և «Չելսի»-ի գլխավոր մարզչի պաշտոնները: Կոնտեն նույնպես չի բացառում, որ կարող է հեռանալ թուրինյան ակումբից:
«Ամեն ինչ կարող է պատահել: Ներկայումս ես հիանալի եմ զգում «Յուվենթուս»-ի գլխավոր մարզչի պաշտոնում: Իսկ ապագայում կցանկանայի ուժերս փորձել արտասահմանյան որևէ առաջնությունում: Այժմ այդ մասին խոսել չեմ ցանկանում»,- Football Italia-ն մեջբերում է Կոնտեի խոսքերը:
Հիշեցնենք, որ Անտոնիո Կոնտեն ստանձնել է «Յուվենթուս»-ի գլխավոր մարզչի պաշտոնը 2011 թվականին: Նրա թիմը պարտվել է ընդամենը 6 անգամ:
