Black Sabbath խումբը հայտարարել է իր հաջորդ ալբոմի՝«13», թողարկման օրը, որը խմբի 35 տարվա աշխատանքի ընթացքում Օզի Օսբորնի հետ ձայնագրած առաջին ալբոմն է: Ալբոմի շնորհանդեսը կկայանա 2013թ. հունիսի 11-ին: Այս մասին հաղորդվում է Black Sabbath-ի պաշտոնական կայքում:
2012թ. աշնանը ձայնագրություններին մասնակցել են խմբի նախնական կազմի երաժիշտները՝ վոկալիստ Օզի Օսբորնը, կիթառահար Թոնի Այոմին, բաս կիթառահար Գիզեր Բաթլերը և Rage Against the Machine խմբի թմբակահար Բրեդ Ուիլքը: Թմբկահար Բիլ Ուորդը, որը Black Sabbath-ում նվագել է խմբի ստեղծման պահից, հրաժարվել է մասնակցել վերամիավորված խմբին: «13» ալբոմը կթողարկվի Vertigo լեյբլով, որը թողարկել է խմբի առաջին ձայնասկավառակները: Ալբոմի պրոդյուսերն է «հիփ-հոփի գորշ կարդինալ» Ռիկ Ռուբինը:
«Ես ամբողջ կյանքս եղել եմ Black Sabbath-ի երկրպագու և երբ գալիս եմ աշխատանքի ու լսում, ինչպես է նվագում Black Sabbath-ը, ես զգում եմ, թե ինչպես է իմ մեջ արթնանում այն, ինչ արթնացրել են ձայնասկավառակները, երբ 14 տարեկան էի»,- ասել է նա տեսանյութում:
Black Sabbath-ը ստեղծվել է Բիրմինգհեմում 1969թ.: Օզի Օսբորնը խմբի անդամն է եղել մինչև 1979թ., որից հետո հեռացել է խմբից մյուս մասնակիցների հետ տարաձայնությունների պատճառով:
