Ռուսաստանի Լիբերալ-դեմոկրատական կուսակցության ղեկավար Վլադիմիր Ժիրինովսկին հայտնել է, որ աճուրդում վաճառել է իր էշը, որը նրա նախընտրական քարոզարշավի հոլովակում խորհրդանշում էր Ռուսաստանը: Այս մասին տեղեկացնում է Interfax-ը:
«Ի դեպ, ես էշին աճուրդի են հանել ու այն տվել ֆերմերի: 6 տարի ես կենդանուն անվճար կերակրել եմ, ինչպես առողջարանում: Իսկ ինձ մեղադրում էին, թե ահա, կենդանիներին չի սիրում: Դուք ձեզ մոտ 6 տարի կկերակրեի՞ք էշի»,- Պետդումայում լրագրողներին ասել է Ժիրինովսկին՝ չմանրամասնելով, թե որքանով է վաճառվել կենդանին:
2012թ. նախընտրական քարոզարշավի ժամանակ ԶԼՄ-ները բուռն կերպով քննարկում էիյն Ժիրինովսկու նախընտրական տեսահոլովակը, որտեղ նա մտրակով հարվածում է էշին: Կենդանիների պաշտպաններին այդ փաստը վրդովեցրել էր:
Անցած տարվա փետրվարին Ժիրինովսկին հայտարարել էր, թե տեսահոլովակի էշը ապրում է իր ամառանոցում, իրեն հրաշալի է զգում, և որ լրագրողներն ու կենդանիների պաշտպանները կարող են անձամբ գալ ու համոզվել, որ կենդանու հետ ամեն ինչ կարգին է:
