«Ես մի արտադրություն եմ կազմակերպում, որի հումքը վերցնում եմ գյուղացիներից, օրական 5-10 լ կաթ ենք մթերում (յուրաքանչյուր գյուղացուց-1in.am), որի համար պետք է վճարենք: Իսկ եթե իմ ապրանքը վաճառել են, ուրեմն իրենք էլ ինձ պետք է վճարեն»,- «Առաջին լրատվական»-ի հետ զրույցում հայտարարեց կաթնամթերքի արտադրությամբ զբաղվող «Բոնիլաթ» ընկերության սեփականատեր Գարիկ Սարուխանյանը՝ խոսելով «Սթար» խանութների ցանցի հետ համագործակցության մասին:
Նրա խոսքերով, օրինակ, «Արարատ» կոնյակի գործարանը չի կարող ամսեամիս գումար պահանջել «Սթարից», բայց կաթնամթերքի պահպանման ժամկետը կարճ է և, ըստ պայմանավորվածության, յուրաքանչյուր ամսի 15-ին «Սթարը» կատարում է «Բոնիլաթի» հանդեպ իր պարտավորությունը:
«Եթե իմ նման տղուն չտան, տուրուդմփոց կլինի: Իրենք չեն կարող իմ փողը չտալ: Մինչև հիմա նորմալ աշխատել եմ, ու պարտք չունեն ինձ»,- ասաց Գ. Սարուխանյանը՝ նկատելով, որ օրերս «Սթարն» առաջարկել է կաթնամթերքի այս խմբաքանակի գումարը սառեցնել, բայց ինքը չի համաձայնել: