Բևեռլի Հիլզում միջերկրածովյան ոճով կառուցված վիլլան տրվում է վարձով՝ ամսական 600 հազար դոլարով, գրում է Tranio.ru-ն:
Hilton & Hyland ընկերության ռիելթոր Ջեֆրի Հայլենդի խոսքով՝ դա ԱՄՆ-ի ամենաթանկ վարձով տրվող տունն է:
20-րդ դարի առաջին կեսին այդտեղ ապրել են մեդիամագնատ Ուիլյամ Ռենդոլֆ Հերսթն ու դերասանուհի Մերիոն Դևիսը: Ավելի ուշ այստեղ իրենց մեղրամիսն են անցկացրել Ջոն ու Ժակլին Քենեդիները: Այս վիլլայում 60 մարդու համար ընդունելություն է կազմակերպվել Մոնակոյի դուքս Ալբերտ 2-րդի համար:
Ավելի քան 4600 քմ տարածքով վիլլան ունի 17 ննջարան, որոնցից յուրաքանչյուրը ձևավորված է առանձին ոճով, 29 լոգարան, հյուրասենյակ՝ 7 մ բարձրությամբ առաստաղով, տնային կինոթատրոն, բիլիարդի սրահ՝ փայտե առաստաղով, բուխարիով ու 19-րդ դարի խաղային սեղանով: Վիլլան ունի նաև գինու մառան, մարզասրահ:
Առանձնատան տարածքում կան մի քանի լողավազաններ, մեծ ավտոտնակ, հյուրատուն՝ հյուրերի համար ու դասական ոճի քանդակներով այգի:
Վիլլան գտնվում է 1,5 հա տարածքով մակերեսի վրա:
Այն ժամանակից ի վեր, ինչ 1927թ. առանձնատունը կառուցել է հայտնի ճարտարապետ Գորդոն Կաուֆմանը, այն չի դադարում լինել ճարտարապետական գլուխգործոց: Տան արժեքը 115 մլն դոլար է:
