Արևելյան Ճապոնիայում երկրաշարժի երկրորդ տարելիցի կապակցությամբ երկրի վարչապետ Սինդձո Աբեն հանդես է եկել համացանցում տեսաուղերձով:
«Տուժած շրջանների բնակչությանը նախկինի պես օգնություն է հարկավոր: Օգնությունը կարող է տարբեր լինել ՝ կամավորների գործունեություն, գումարային նվիրատվություններ, զբոսաշրջություն, ապրանքների գնում: Քանի դեռ չի եկել գարունը տուժած շրջաններում, գարուն չի գա Ճապոնիայում»,- հայտարարել է նա։ Այս մասին փոխանցում է RIA Novosti-ին:
Ճապոնիայում ամբողջ օրը տեղի կունենան երկրաշարժի զոհերի հիշատակին նվիրված միջոցառումներ: Սգո արարողություններին մասնակցություն կունենան կայսերական ընտանիքը, վարչապետն ու կառավարության անդամները:
9,0 մագնիտուդ հզորությամբ երկրաշարժը տեղի է ունեցել 2011 թ. մարտի 11-ին: Այն հսկայական ցունամի է առաջացրել, որի բարձրությունը 10-15 մ է հասել:
