Արևմտյան ԶԼՄ-ները Բեն Աֆլեկի և Ջենիֆեր Գարների ամուսնալուծության նոր մանրամասներ են հրապարակել: Հնարավոր է՝ դրա պատճառը եղել է ոչ միայն ամուսնու դավաճանությունը։ Այս մասին հայտնում է People պարբերականը:
Ներքին աղբյուրի տեղեկացմամբ՝ Աֆլեկը չի համապատասխանել Գարների իդեալին և չի արդարացրել ընտանեկան կյանքից նրա սպասումները: Դերասանուհին ամուսնուն միշտ հանդիմանել է, որ նա բավականաչափ լավը չէ: «Ջենիֆերը միշտ ամեն ինչ վերահսկել է և երբեք երջանիկ չի եղել»,- մեջբերում է պարբերականը զույգի մոտ շրջապատի աղբյուրի խոսքերը:
Գարների ընկերներն ամեն ինչում Բենին են մեղադրում. «Նա թերագնահատել էր այն հանգամանքը, որ համատեղ կյանքը մշտական ջանքեր է պահանջում: Սակայն երբ նա հասկացավ, դա նրան բոլորովին չհետաքրքրեց»:
Զույգը որոշել է ամուսնալուծվել անցած շաբաթ՝ 10 տարվա ամուսնական կյանքից հետո: Նրանք ունեն 3 երեխա:
Ամուսնալուծության հնարավոր պատճառներից մեկը համարվում է Բեն Աֆլեկի դավաճանությունը: Իսկ վերջերս, չնայած ամուսնալուծության մասին հայտարարությանը, զույգին տեսել են Բահամյան կղզիներում միասին հանգստանալիս: Ի դեպ, ամուսինները նախկինի պես կրում են ամուսնական մատանիները:
