Business Грузияկայքի հաղորդմամբ, ԱՄՆ-ի կառավարությունն այս տարի 87 միլիոն դոլար կհատկացնի Վրաստանին: Միջազգային ֆինանսական օգնության հարցը քննարկվել է ԱՄՆ Կոնգրեսի արտաքին կապերի կոմիտեի նիստում:
Դրանում ներկա է գտնվել ԱՄՆ պետդեպարտամենտի ներկայացուցիչ Դանիել Ռոսենբլումը, ով համակարգում է Եվրոպային ու Եվրասիային առնչվող խնդիրները: Նիստի մասնակիցները Վրաստանը որակել են որպես ԱՄՆ-ի համակիր և հաջող մոդել ունեցող երկիր, ինչի համար էլ այդ երկրում ներդրված գումարները կհանգեցնեն կոնկրետ արդյունքների:
Կոնգրեսականների կարծիքով, հետագայում նույնպես շարունակվելու է Վրաստանին ցուցաբերվող ֆինանսական աջակցության գործընթացը, քանի որ Վրաստանում այդ գումարները ծախսվում են ժողովրդավարական բարեփոխումների վրա:
Կոնգրեսական Դեն Բարտոնը նիստի ժամանակ հայտարարել է. «Մենք պետք է ճշգրիտ ծախսենք յուրաքանչյուր դոլարը և օգնենք մեր համակիր երկրներին: Միայն այդպես մեր գումարները կարող են արդյունավետ լինել: Ես ողջունում եմ ԱՄՆ-ի կառավարության կողմից Վրաստանին 87 միլիոն դոլարի հատկացումը, միևնույն ժամանակ կասկածի տակ եմ դնում Ռուսաստանին հատկացված 72 միլիոն դոլարի նպատակահարմարությունը»:
