Աբովյանի 28/17 ընտրատեղամասում սկզբնական շրջանում եղել են մարդկային կուտակումներ: Մեր թղթակիցը, հասնելով ընտրատեղամաս, ֆիքսել է, որ կանգնած են մի շարք մեքենաներ, և հավաքվել են Գագիկ Ծառուկյանի թիկնազորի պետ Էդուարդ Բաբայանի «սափրագլուխները»:
Տեսնելով, որ «Առաջին լրատվական»-ի օպերատորը ֆիքսում է իրենց, սափրագլուխները մոտենում են և փորձում ախպերական-ըներականով համոզել, որ չնկարի, հետո վրդովվելով պահանջում են լքել տարածքը ու նկարել ոչ թե իրենց, այլ ոստիկաններին: Սակայն օպերատորը չի ենթարկվել նրանց պահանջին, ինչը առաջացրել է սափրագլուխների վրդովմունքը, վերջիններս սկսել են սպառնալ. «Ձեր համար լավ չի լինի»:
Նշենք, որ դա կատարվել է ոստիկանների ներկայությամբ, սակայն վերջիններս տեսնելով, որ վեճ է հասունանում, միջամտել են: