«Բարսելոնա»-ի հարձակվող Լիոնել Մեսսին հայտարարել է, որ կատալոնական ակումբի հաջողության գաղտնիքը ֆուտբոլիստների լավ հարաբերությունների մեջ է: Մեսսիի խոսքը, մասնավորապես, իր, Լուիս Սուարեսի և Նեյմարի մասին է:
««Բարսելոնա»-ի ֆուտբոլիստները հիանալի հարաբերություններ ունեն: Իսկ երբ կա փոխհարաբերություն խաղադաշտից դուրս, ապա խաղադաշտում համագործակցելն ավելի հեշտ է: Նույնը կարող եմ ասել իմ, Լուիս Սուարեսի և Նեյմարի մասին: Մեր թիմը մոտիվացված է և ցանկանում է հաղթանակ տանել Չեմպիոնների լիգայի գավաթի խաղարկության եզրափակչի «Յուվենտուս»-ի դեմ հանդիպմանը»,- TVE-ը մեջբերում է Մեսսիի խոսքերը:
Հիշեցնենք` «Բարսելոնա»-ի և «Յուվենտուս»-ի դիմակայությունը կայանալու է հունիսի 6-ին Բեռլինում: 2014/15 թվականների մրցաշրջանում Լուիս Էնրիկեի սաներն արդեն նվաճել են Իսպանիայի չեմպիոնի տիտղոսն ու երկրի գավաթը:
