«Պետք է կարողանանք այնպես անել, որ մեր երեխաների հետ միայն հունիսի 1-ին չուրախանանք. մեր երկրում երեխաների հետ ինչ-որ բան տոնել հնարավոր է միայն հունիսի 1-ին»,- «Առաջին լրատվական»-ի հետ զրույցում ասացին մի շարք ծնողներ, որոնք իրենց երեխաներին բերել էին Կենդանաբանական այգի:
Նրանց դիտարկմամբ՝ երկրի շղթայական խնդիրները ուղիղ ազդեցություն են ունենում իրենց տեսակետի վրա, թե՝ որքանով է երեխաների ապագան հնարավոր պատկերացնել Հայաստանում: Մի քանի ծնողներ նշեցին, որ երեխաների ապագան Հայաստանում չեն պատկերացնում, մի քանիսն էլ պնդեցին, որ իրենց երեխաները պետք է մնան Հայաստանում և դառնան պատվավոր քաղաքացիներ։
«Պետք է պայքարել, փորձել, սխալների վրա սովորել, գտնել ելք, ուղի, որով հնարվոր կլինի կառուցել նրանց ապագան Հայաստանում»,- նշեցին նրանք:
Ծնողների խոսքով՝ իրենց առջև ծառացած խնդիրները բազմաթիվ են։ Նախ՝ ցածր կամ միջին աշխատավարձով հնարավոր չէ երեխաների համար ապահովել բարեկեցիկ ապագա: Ծնողները առանձնացրին նաև իրենց երեխանների կրթության հարցը ՝ մանկապարտեզից միչև բուհ: Նրանց դիտարկմամբ՝ խնդիրների շղթան կարելի է տեսնել թեկուզ միայն մանկապարտեզների վիճակը դիտարկելով՝ սննդից մինչև դաստիարակության հարցեր:
Շատ ծնողներ պնդեցին, որ որքան էլ երեխաների ապագան փորձեն պատկերացնել, ի վերջո՝ երեխաները չափահաս դառնալուց հետո իրենք են որոշելու իրենց ապագան և հետագա քայլերը:
Մանրամասները՝ տեսանյութում։